२९ भाद्र २०७७, सोमबार || 14 Sep 2020, Monday

निष्पक्ष छानविन र पीडितलाई न्यायको माग

रुकुम घटनाको विरोधमा काठमाडौंमा सिठी जुलुस

अन्तरजातीय विहे गर्न जाँदा केटीका आफन्तको कुटपिटबाट मारिएका नवराज विश्वकर्मा र उनका पाँच साथीको हत्यामा संलग्नलाई कडा सजायको माग गर्दै माइतीघरदेखि नयाँ बानेश्वरसम्म सिठी र्‍याली
रुकुम घटनाको विरोधमा काठमाडौंमा सिठी जुलुस

असार ९ गते २०७७

पश्चिम रुकुमको सोतीमा दलित युवक सहित ६ जना मारिएको घटनाको विरोधमा संयुक्त राजनीतिक दलित संघर्ष समितिले मंगलबार काठमाडौंमा सिठी जुलुस निकालेको छ । अन्तरजातीय विहे गर्न जाँदा केटीका आफन्तको कुटपिटबाट मारिएका नवराज विश्वकर्मा र उनका पाँच साथीको हत्यामा संलग्नलाई कडा सजायको माग गर्दै माइतीघरदेखि नयाँ बानेश्वरसम्म सिठी र्‍याली भएको हो ।

संयुक्त राजनीतिक दलित संघर्ष समितिले गत ११ जेठ देखि नै माइतीघरमा नियमित जसो विरोध तथा प्रदर्शनका कार्यक्रम गरिहेको छ । विरोध प्रदर्शनमा सहभागी साझा पार्टीका प्रकाशचन्द्र परियारले भने, ‘आज चारदेखि पाँच सयको हाराहारीमा मानिसहरुको उपस्थितिमा प्रदर्शन गरेका थियौँ । आन्दोलनमा मानिसहरुको सहभागिता दिन प्रतिदिन बढ्दो क्रममा छ ।’

संघर्ष समितिले सोमबार रुकुम घटनाको विरोधमा चरणबद्ध आन्दोलनको घोषण गरेको थियो । बुधबार दिउँसो २ बजे प्रधानमन्त्री कार्यालय घेराउको कार्यक्रम रहेको  दीपक सोनीले जानकारी दिए ।

आन्दोलनकारीले नवराजको पक्षमा निष्पक्ष छानविन र पीडितलाई न्यायको माग गरिहेका छन् ।
साभार अनलाईन खबर

प्रतिक्रिया दिनुहोस