३१ भाद्र २०७७, बुधबार || 16 Sep 2020, Wednesday

कृषि आत्मनिर्भरताको महत्वपुर्ण आधार

कोरोनाले सिकायो कृषि नै जीवन हो : मन्त्री भुषाल

किसानका परम्परागत ज्ञान र सीपलाई विकास गर्न नसक्दा पनि नेपालको कृषि क्षेत्र पछाडि : कृषि तथा पशुपन्छी विकासमन्त्री घनश्याम भुसाल
कोरोनाले सिकायो कृषि नै जीवन हो : मन्त्री भुषाल

असार १३ गते २०७७

कृषि तथा पशुपन्छी विकासमन्त्री घनश्याम भुसालले ४० वर्ष यता कृषि क्षेत्रलाई विगार्ने काम मात्रै भएको टिप्पणी गरेका छन् । एसोसिएसन आफ नेपाली एग्रिकल्चरल जर्नलिष्टस् (आनाज) द्धारा राष्ट्रिय धान दिवसको अवसरमा आयोजित अन्तरक्रिया कार्यक्रममा मन्त्री भुसालले ३०/४० वर्ष यता मिहेनत गरेर नै कृषि क्षेत्रलाई ध्वस्त पार्ने काम भएको बताए ।

कृषि विकासका लागि भाषण गर्ने, ठेक्का पट्टा गर्ने, विभिन्न प्रोजेक्टहरु ल्याएर विगार्ने काम मात्र भएको उनले बताए । ‘हामीले त ३०र४० वर्ष भयो बर्बाद पार्न थालेको । साना दुःखले बर्बाद पारेको होइन, बहुत मेहनतले बर्बाद परेका छौं’ उनले भने । यसलाई सुधार्न केही समय लाग्ने बताए ।

देशमा औद्योगिक उत्पादन बढाउने प्रयत्न गर्दा र कृषि वस्तुको व्यवस्थापन बजारलाई छाड्दा कृषि व्यवस्था र प्रणाली विग्रेको मन्त्री भुसालले बताए । किसानका परम्परागत ज्ञान र सीपलाई विकास गर्न नसक्दा पनि नेपालको कृषि क्षेत्र पछाडि परेको भन्दै उनले भने, ‘कृषि प्रधान देशमा अन्न पनि किनेर खानुपर्ने, फलफुल किनेर खानुपर्ने, माछा मासु किनेर खानुपर्ने, दुध किनेर खानुपर्ने दिन आए ।’ कोरोना महामारीले कृषि नै जीवन हो भनेर ब्यूँझाएको भन्दै कृषिमन्त्री भुसालले कोरोनाले सिकाएको पाठ विर्सिने गल्ती गर्न नहुनेमा जोड दिएका छन् ।

प्रतिक्रिया दिनुहोस