मृत्यु हुनेको संख्या ५ लाख ४ हजार ७६

सोमबार बिहान सम्म विश्वभरि कोरोना संक्रमण हुनेको संख्या १ करोड २३ लाख ८ हजार २८

नेपालमा सोमबार बिहान सम्म १२ हजार ७ सय ७२ जनामा संक्रमण,तीमध्ये ३ हजार १३ जना निको भएका छन् भने २८ जनाले ज्यान गुमाए
सोमबार बिहान सम्म विश्वभरि कोरोना संक्रमण हुनेको संख्या १ करोड २३ लाख ८ हजार २८

असार १५ गते २०७७
विश्वमा कोरोनाभाइरस संक्रमितको संख्या १ करोड नाघेको छ। समाचार संस्था का अनुसार सोमबार बिहान सम्म विश्वभरि कोरोना संक्रमण हुनेको संख्या १ करोड २३ लाख ८ हजार २८ पुगेको छ। त्यस्तै मृत्यु हुनेको संख्या पनि ५ लाख ४ हजार ७६ पुगिसकेको छ। संक्रमितको संख्या तीव्र गतिमै बढिरहँदा उपचार भइ घर फर्किनेको संख्या पनि बढिरहेको छ। अहिलेसम्म संक्रमितको आधाभन्दा बढीले निको भएर घर फर्किसकेका छन्। संक्रमितको संख्या १ करोड कट्दा ५५लाख ४९ हजार ४ सय ६ संक्रमित निको भएर घर फर्किएका हुन्।

अहिलेसम्म सबैभन्दा बढी संक्रमित भएको राष्ट्र अमेरिका हो। त्यहाँ २७ लाख ३७ हजार ३९ संक्रमित छन् भने १ लाख २७ हजार ४ सय ३७ जनाले ज्यान गुमाएका छन्। अमेरिकी राष्ट्रपति डोनाल्ड ट्रम्पले भने अमेरिकामा धेरै संक्रमित देखिनुको कारण भने परीक्षणको दायरा धेरै भएकोले हो भन्ने बताउँदै आएका छन्। अमेरिकापछि बढी संक्रमित ब्राजिलमा छन्। त्यहाँ अहिलेसम्म १३ लाख४५ हजार २सय ५४ संक्रमित छन् भने ५७ हजार ६सय ५८ले ज्यान गुमाएका छन्।

गत डिसेम्बरमा पहिलो पटक कोरोनाभाइरसको संक्रमण देखिएको चीनमा भने अहिलेसम्म संक्रमितको संख्या ८३ हजार ५ सय छ। मृत्यु हुनेको संख्या ४ हजार ६ सय ३४ छ। छिमेकी राष्ट्र भारतमा पछिल्लो समय कोरोनाको संक्रमण तीव्र गतिमा बढीरहेको छ। अहिले सबैभन्दा बढी संक्रमित राष्ट्रमध्ये भारत चौथो स्थानमा छ। त्यहाँ सोमबार सम्म ५ लाख४९ हजार १ सय १७ जनामा संक्रमण देखिएको छ। १६ हजार ४ सय ८७ ले ज्यान गुमाएका छन्। नेपालमा सोमबार बिहान सम्म १२ हजार ७ सय ७२ जनामा संक्रमण देखिएको छ। तीमध्ये ३ हजार १३ जना निको भएका छन् भने २८ जनाले ज्यान गुमाएका छन्।

प्रतिक्रिया दिनुहोस

सुचना तथा प्रशारण दर्ता विभाग दर्ता प्रमाणपत्र नं १२४३/०७५-०७, प्रेस काउन्सिल दर्ता सुचिकरण मिति २०७५/०६/०७