२९ भाद्र २०७७, सोमबार || 14 Sep 2020, Monday

२१ नयाँ मिग-२९ र १२ सुखोई-३० एमकेआइ रसियाबाट किन्ने निर्णय

लडाकु विमान र मिसाइल किन्न ३८ हजार ९ सय करोड भारू खर्च गर्दै भारत

यो रकम ३३ नयाँ फाइटर जेट, जमिनबाट प्रहार गर्न सकिने ३ सय लामो दूरीका मिसाइल तथा २ सय ५० वटा एयर टु एयर मिसायल किन्न खर्च हुनेछ
लडाकु विमान र मिसाइल किन्न ३८ हजार ९ सय करोड भारू खर्च गर्दै भारत

असार २७ गते २०७७/ एजेन्सी

चीनसँग जारी सीमा तनावकाबीच भारतको रक्षा मन्त्रालयले लडाकु विमान, मिसाइल लगायतका विभिन्न रक्षा सामग्री खरिदका लागि ३८ हजार ९ सय करोड भारू खर्च गर्ने योजनालाई मञ्जुरी दिएको छ। यो रकम ३३ नयाँ फाइटर जेट, जमिनबाट प्रहार गर्न सकिने ३ सय लामो दूरीका मिसाइल तथा २ सय ५० वटा एयर टु एयर मिसायल किन्न खर्च हुनेछ।

यो खरिद योजना दुई देखि तीन वर्षमा पूरा हुने टाइम्स अफ इण्डियाले जनाएको छ।भारतीय रक्षामन्त्री राजनाथ सिहंको अध्यक्षतामा बसेको रक्षा बैठकले २१ नयाँ मिग-२९ र १२ सुखोई-३० एमकेआइ रसियाबाट किन्ने निर्णय गरेको हो।

यसैगरी आफूसँग भएका मिग-२९ जहाजमा थप सुधार गर्ने पनि निर्णय गरेको छ। यसका लागि ७ हजार ४ सय १८ करोड भारू करोड खर्च हुने अनुमान गरिएको छ। यसैगरी १२ थप सुखोई जहाज बनाउन हिन्दुस्थान एरोनोटिक्सलाई अनुमति दिइनेछ। यसैगरी विमान संचालनका लागि आवश्यक विद्युतिय युद्ध पोशाक र अतिरिक्त सामान तथा पाटपूर्जाका लागि खर्च हुनेछ। यसका लागि १० हजार ७ सय ३० करोड भारू खर्च गर्नेछ।

प्रतिक्रिया दिनुहोस