२९ भाद्र २०७७, सोमबार || 14 Sep 2020, Monday

सांसदलाई कोरोना संक्रमण

कर्णाली प्रदेशसभाका एकजना सदस्यमा कोरोना भाइरस (कोभिड-१९)को संक्रमण पुष्टि

कांग्रेसबाट प्रदेशसभामा प्रतिनिधित्व गर्ने एक सांसदलाई कोरोना संक्रमण पुष्टि भएको हो
कर्णाली प्रदेशसभाका एकजना सदस्यमा कोरोना भाइरस (कोभिड-१९)को संक्रमण पुष्टि

३० असार, सुर्खेत । कर्णाली प्रदेशसभाका एकजना सदस्यमा कोरोना भाइरस (कोभिड-१९)को संक्रमण पुष्टि भएको छ । कांग्रेसबाट प्रदेशसभामा प्रतिनिधित्व गर्ने एक सांसदलाई कोरोना संक्रमण पुष्टि भएको हो ।

प्रदेशसभाको बर्खे अधिबेशन सकिन लागेपछि आफ्नो निर्वाचन क्षेत्र जान आइतबार पीसीआर परीक्षणका लागि स्वाब दिएका उनको रिपोर्ट पोजेटिभ आएको स्वकीय सचिवले जानकारी दिए ।

उनको स्वाबको सोमबार सुर्खेतको पशुपन्छी रोग अन्वेषण प्रयोगशालामा परीक्षण गरिएको थियो ।

सांसदको स्वास्थ्य अवस्था सामान्य रहेको छ । ‘उहाँमा कोरोना देखिएको छ । अहिले वीरेन्द्रनगरमै होम आइसोलेसनमा बस्नुभएको छ । स्वाथ्यकर्मीको प्रत्यक्ष निगरानीमा हुनुहुन्छ । उहाँको स्वास्थ्य अवस्था सामान्य छ,’ स्वकीय सचिवले भने ।

स्वकीय सचिवका अनुसार सांसद बर्खे अधिबेशनभर संसद भवन र कोठा बाहेक बाहिर गएका थिएनन् । उनको दैनिकी संसद भवन र कोठा हुँदै बित्ने गरेको थियो । संसद अधिबेशन सुरु हुनुभन्दा अगाडि गरिएको पिसीआर परीक्षणमा उनको रिपोर्ट नेगेटिभ आएको थियो ।

१६० जनाको पीसीआर परीक्षण गरिने

प्रदेश सांसदमा कोरोना संक्रमण पुष्टि भएपछि प्रदेशसभामा खैलाबैला भएको छ । उनको सम्पर्कका आएका सांसददेखि पत्रकारसम्मको पीसीआर परीक्षणका लागि स्वाब संकलन गर्न लागिएको प्रदेशसभा सचिव जिवराज बुढाथोकीले जानकारी दिए ।

सांसद, कर्मचारी, माननियहरुका स्वकीय सचिव र केही पत्रकारसहित १६० जनाको स्वाव संकलन गरी पीसीआर परीक्षण गर्न लागिएको सचिव बुढाले बताए । ती सांसदको ‘कन्ट्याक्ट ट्रेसिङ’ गरेर स्वाब संकलन गर्ने तयारी गरिएको हो ।

प्रतिक्रिया दिनुहोस