३१ भाद्र २०७७, बुधबार || 16 Sep 2020, Wednesday

बिहान १० बजेर १२ मिनेटमा भूकम्प

अमेरिकामा ७.८ म्याग्‍निच्यूडको भूकम्प, सुनामीको चेतावनी

उक्त चेतावनीपछि केही वस्तीमा सञ्‍चारमाध्यम, सामाजिक सञ्जालसहितबाट सचेत गराइएको छ
अमेरिकामा ७.८ म्याग्‍निच्यूडको भूकम्प, सुनामीको चेतावनी

साउन ७ गते २०७७/एजेन्सी

अमेरिकामा बुधबार ७.८ म्याग्‍निच्यूडको शक्तिशाली भूकम्प गएको छ। अमेरिकाको अलास्का राज्यमा त्यहाँको स्थानीय समय अनुसार समयानुसार बिहान १० बजेर १२ मिनेटमा भूकम्प गएको हो। शक्तिशाली भूकम्पपछि त्यहाँ सुनामी आउन सक्ने चेतावनी दिइएको छ। अमेरिकी भूगर्भ सर्भेले पृथ्वीको सतहभन्दा १० किलोमिटर तल केन्द्रबिन्दु बनाएर भूकम्प गएको जनाएको छ। भूकम्पपछि त्यहाँको अमेरिकी राष्ट्रिय सुनामी चेतावनी केन्द्रले अलास्काको तटीय क्षेत्रमा सुनामी आउन सक्ने जनाएको छ। उक्त चेतावनीपछि केही वस्तीमा सञ्‍चारमाध्यम, सामाजिक सञ्जालसहितबाट सचेत गराइएको छ। स्थानीयस्तरमा सुनामीको चेतावनीसहित साइरन पनि बजाइएको छ। सुनामी चेतावनी केन्द्रले सुनामीको सम्भावित स्थानमा दक्षिण अलास्कासहितका क्षेत्र रहेका जनाएको छ।

प्रतिक्रिया दिनुहोस