३१ भाद्र २०७७, बुधबार || 16 Sep 2020, Wednesday

नेपालको कूल जनसङ्ख्यामध्ये ४०.३ प्रतिशत युवा

युवा दिवस साताव्यापी रुपमा मनाइने

‘विश्व अभियानका लागि युवा सहभागिताः रोजगारी प्रवद्र्धन र वातावरण संरक्षणमा युवा संलग्नता’ भन्ने मूल नाराका साथ यही साउन २८ गते दिवस मनाइने
युवा दिवस साताव्यापी रुपमा मनाइने

साउन २० गते २०७७
युवा दिवस साताव्यापी रुपमा मनाइने
राष्ट्रिय युवा परिषद्ले साताव्यापी रुपमा विभिन्न कार्यक्रम गरी यस वर्ष अन्तरराष्ट्रिय युवा दिवस देशभरि नै मनाउने भएको छ । युवा नेतृत्व विकास गर्नका लागि साताव्यापी विभिन्न कार्यक्रम गरी दिवस मनाउन थालिएको परिषद्का कार्यकारी उपाध्यक्ष माधवप्रसाद ढुङ्गेलले आज आयोजित भर्चुअल पत्रकार सम्मेलनमा जानकारी दिए ।

कोभिड–१९ का कारणले दिवसको मुख्य दिन भने भर्चुअल रुपमा संसारभरिका युवालाई समेट्ने गरी दिवस मनाइने उनले बताए । ‘विश्व अभियानका लागि युवा सहभागिताः रोजगारी प्रवद्र्धन र वातावरण संरक्षणमा युवा संलग्नता’ भन्ने मूल नाराका साथ यही साउन २८ गते दिवस मनाउन थालिएको छ ।

दिवस मनाउनका लागि युवा तथा खेलकूदमन्त्री जगतबहादुर विश्वकर्माको संयोजकत्वमा २०१ सदस्यीय मूल समारोह समिति र परिषद्का कार्यकारी उपाध्यक्ष ढुङ्गेलको संयोजकत्वमा नौ सदस्यीय सचिवालय गठन गरिएको छ । दिवसका दिन हुने कार्यक्रममा संयुक्त राष्ट्र सङ्घका प्रतिनिधि एवं चीन भारत, श्रीलङ्का तथा बङ्गलादेश युवा संस्थाका पदाधिकारीले पनि सम्बोधन गर्ने कार्यक्रम रहेको परिषद्का सूचना अधिकारी ध्रुवराज पौडेलले बताए ।

दिवसकै दिन ‘दिगो विकासका लक्ष्य र युवा’ विषय तथा ‘युवा राजनीति र रोजगारी’ विषयमा युवा नेतृत्वसँग संवाद कार्यक्रम राखिएको छ । यस्तै सोही दिन राष्ट्रिय कलाकारले सांस्कृतिक कार्यक्रमसमेत गर्ने छन् । दिवसका अवसरमा साउन २३ गते निबन्ध लेखन प्रतियोगिता, २४ गते रक्तदान (चाबहिल र कलङ्की) र वृक्षरोपण (सूर्यविनायक0, २५ गते भिजन प्रतियोगिता, २६ गते भोजन सेवा कार्यक्रम (चाँगुनारायण) र कोभिड–१९ लक्षित स्वयंसेवकलाई अभिमुखीकरण कार्यक्रम राखिएको परिषद्का सूचना अधिकारी पौडेलले जानकारी दिए ।

राष्ट्रिय जनगणना २०६८ का अनुसार नेपालको कूल जनसङ्ख्यामध्ये ४०.३ प्रतिशत युवा छन् । युवाका विषय सम्बोधन गर्ने हेतुले राष्ट्र सङ्घले सन् १९९९ देखि हरेक वर्ष अगष्ट १२ ९यस वर्ष साउन २८० लाई अन्तरराष्ट्रिय युवा दिवसका रूपमा मनाउने घोषणा गरेको थियो । सोही घोषणासँगै युवासम्बन्धी विभिन्न चेतनामूलक तथा मनोरञ्जनात्मक कार्यक्रम आयोजना गरी सन् २००० देखि नियमितरूपमा विश्वभर युवा दिवस मनाउन थालिएको हो ।

नेपालमा भने सन् २००४ देखि युवाका क्षेत्रमा काम गर्ने विभिन्न गैरसरकारी संस्थाको आयोजनामा कार्यक्रम मनाउन थालिएको हो । परिषद्ले सन् २०१६ देखि दिवस मनाउन थालेको हो । परिषद्का प्रशासकीय प्रमुख डा।बाबुराम ढुङ्गानाले सात प्रदेशका सामाजिक विकास मन्त्रालय र सबै स्थानीय तहलाई दिवस मनाउन निर्देशन दिइएको बताए ।

रासस

प्रतिक्रिया दिनुहोस