७ आश्विन २०७७, बुधबार || 23 Sep 2020, Wednesday

साउन २२ गते ३२ सम्म आंशिक क्षेत्रमा निषेधाज्ञा जारी

५ जनामा कोराना संक्रमण पुष्टि भएपछि कपिलवस्तु अस्पतालको इमर्जेन्सीबाहेक सबै सेवा बन्द

बजार र निजी सवारी साधन सञ्चालन भएकोले सोमबारदेखि अत्यावश्यक बाहेक अरू सबै सेवा बन्द गरिएको जिल्ला प्रशासन कार्यालयले जनाएको छ
५ जनामा कोराना संक्रमण पुष्टि भएपछि कपिलवस्तु अस्पतालको इमर्जेन्सीबाहेक सबै सेवा बन्द

साउन २६ गते २०७७

अस्पतालका स्वास्थ्यकर्मी र एक सुरक्षाकर्मी गरी ५ जनामा कोराना संक्रमण पुष्टि भएपछि कपिलवस्तु अस्पतालको इमर्जेन्सीबाहेक सबै सेवा बन्द गरिएको छ।

आइतबार अस्पतालमा कार्यरत स्वास्थ्यकर्मी र एक सुरक्षाकर्मीमा कोरोना संक्रमण पुष्टि भएको थियो। तीन दिनअघि अस्पतालका ल्याब असिस्टेन्टमा पनि कोरोना संक्रमण देखिएको थियो।

अस्पतालमा कार्यरत नर्सिङ, ल्याव, एक्सरे ओपिडी फाँटका एक-एक गरी चारजना स्वास्थ्यकर्मी तथा अस्पतालमा रहेका एक सुरक्षाकर्मीमा संक्रमण पुष्टि भएपछि सोमबारदेखि इमर्जेन्सीबाहेक सेवा बन्द गरिएको हो।

अस्पतालका मेडिकल सुपरिटेन्डेन्ट किशोर बन्जाडेले अस्पतालमा आउने र रहेका बिरामी तथा स्वास्थ्यकर्मीमा समेत कोरानाको उच्च जोखिम रहेपछि आवश्यक सुरक्षा र सावधानीका लागि अर्को सूचना जारी नहुँदासम्म अस्पतालका अति आकस्मिकबाहेक सबै सेवा बन्द गर्ने निर्णय गरिएको बताए।

अति आकस्मिक सेवा दिने बिरामीलाई मात्र गेटमै अवस्था हेरेर उपचार गरिने उनले बताए। स्वास्थ्यकर्मीमा कोरोना संक्रमण देखिएपछि सोमबार अस्पतालमा कार्यरत ७७ जनाको स्वाब संकलन गरिएको अस्पताल प्रशासनले जनाएको छ।

यस्तै कपिलवस्तु नगरपालिका क्षेत्रभित्र रहेको होटल तथा रेष्टुरेन्ट पनि सोमबारदेखि बन्द गरिएका छन्। कोरोना समुदायस्तरमा फैलिएको र होटलमा समेत फैलने खतरा भएपछि बन्द गरिएको होटल तथा रेष्टुरेन्ट व्यवसायी संघले जनाएको छ।

संक्रमतिको संख्या बढेपछि प्रशासनले लकडाउनलाई पनि थप कडाइ गर्ने संकेत गरेको छ।

गत साउन २२ गते ३२ गतेसम्मका लागि आंशिक क्षेत्रमा निषेधाज्ञा जारी छ।

वित्तिय संस्था र सार्वजनिक यातायात बन्द रहे पनि बजार र निजी सवारी साधन सञ्चालन भएकोले सोमबारदेखि अत्यावश्यक बाहेक अरू सबै सेवा बन्द गरिएको जिल्ला प्रशासन कार्यालयले जनाएको छ।

प्रतिक्रिया दिनुहोस