२८ भाद्र २०७७, आईतवार || 13 Sep 2020, Sunday

२४ भदौ , २०७७

महाराष्ट्रका मुख्यमन्त्रीलाई कंगनाको कडा चुनौती

कंगना मुम्बई विमानस्थलमा पुग्दा शिवसेनाका कार्यकर्ताले विरोध गर्दै नारा लगाएका थिए
महाराष्ट्रका मुख्यमन्त्रीलाई कंगनाको कडा चुनौती

बलिउड नायिका कंगना रनावतको करिब ४८ करोडमा बनेको अफिसमा बुधबार बिहान बीएमसीले डोजर चलायो ।

कंगनालाई भारतको केन्द्रिय सरकारले कडा सुरक्षा दिएको छ । उनी, कडा सुरक्षाकाविच बुधबार पौने ३ बजे मुम्बई पुगेकी थिइन् । मुम्बइको विमानस्थलमा कंगनाको समर्थक र विरोधीहरुले नारा लगाएका थिए । उनलाई भीआइपी गेटबाट बाहिर निकाल्न नसकेपछि सुरक्षाकर्मीले दोश्रो गेट प्रयोग गरेका थिए ।

उनी, विमानस्थलबाट सिधै खारस्थित आफ्नो घर पुगिन् । उनको सुरक्षाका लागि घर बाहिर ५० जना भन्दा बढी सुरक्षाकर्मी तैनाथ गरिएको छ ।

घर पुगेर कंगनाले महाराष्ट्रका मुख्यमन्त्री उद्धव ठाकरेलाई सिधै चुनौती दिइन् । उनले भनिन्–‘उद्धव ठाकेर । आज मेरो घर टुटेको छ । भोली तिम्रो घमण्ड टुट्नेछ । जय महाराष्ट्र ।’

उनले ठाकेरलाई चुनौती दिदै भनिन्–‘तिमीलाई के लाग्छ, फिल्म माफियाको साथ मिलेर मसँग ठूलै बदला लिए जस्तो लाग्यो । तिमीलाई मलाई ठूलै सहयोग गरेका छौ । मलाई थाहा थियो, कश्मिरी पण्डितको मनमा के चलिरहेको छ । म आज सबै भारतीय नागरिकसँग एउटा वाचा के गर्छु भने, अयोध्याको बिषयमा मात्र होइन, कश्मिरको बिषयमा पनि एउटा चलचित्र बनाउनेछु । मेरो देश र जनतालाई सचेत गराउनेछु । ठाकरे, यो क्रुरता र आतंक जुन मेरो साथमा भएको छ, यसले ठूलो अर्थ राख्छ । जय भारत ।’

कंगना मुम्बई विमानस्थलमा पुग्दा शिवसेनाका कार्यकर्ताले विरोध गर्दै नारा लगाएका थिए । यस्तै, रिपब्लिकन पार्टी अफ इन्डिया र करणी सेनाका कार्यकर्ताले उनको समर्थनमा नारा लगाएका थिए ।

साभार – अनलाइन खबर
प्रतिक्रिया दिनुहोस