७ मंसिर २०७७, आईतवार || 22 Nov 2020, Sunday

मुख्य समाचार

सबै स्थानीय तहले आफ्नो क्षेत्रको उत्कृष्ट उद्यमीलाई सम्मान गर्ने

सबै स्थानीय तहले आफ्नो क्षेत्रको उत्कृष्ट उद्यमीलाई सम्मान गर्ने

सरकारले आफ्नो पालिकाभित्र उत्कृष्ट उद्यम गर्ने एक जना उद्योगीलाई सम्मान गर्न स्थानीय तहलाई परिपत्र गरेको छ ।

छैटौं उद्योग दिवस सबै (७५३) वटै स्थानीय तहमा मनाउन र आफ्नो पालिका भित्र उत्कृष्ट उद्यम गर्नेलाई सम्मान गर्न संघीय मामला तथा सामान्य प्रशासन मन्त्रालयले सबै स्थानीय तहलाई परिपत्र गरेको हो ।

उद्योग दिवश मनाउन र आफ्नो क्षेत्रको उत्कृष्ट उद्यमीलाई प्रोत्साहन स्वरुप सम्मान गर्न आग्रह भएको मन्त्रालयले जनाएको छ ।

उद्योग र रोजगारः समृद्धिको आधार भन्ने नाराकासाथ मंसिर ९ गते सरकारले छैटौं उद्योग दिवश मनाउँदै छ । उद्योग वाणिज्य तथा आपूर्ति मन्त्रालयले कात्तिक २५ गते दिवस मनाउने निर्णय गरेको थियो ।

उद्योगी व्यवसायीलाई प्रोत्साहन गर्न देशै भरका स्थानीय  तहमार्फत सम्मान गर्न थालिएको मन्त्रालयले जनाएको छ ।

प्रतिक्रिया दिनुहोस