चैत २९ गते २०८२
सुप्रख्यात गायिका आशा भोसलेु को ९३ वर्षको उमेरमा आज आइतबार दिउँसो मुंबईको ब्रीच क्यान्डी अस्पतालमा दुखद निधन भएको छ । शनिबार साँझ अस्पताल भर्ना हुनु भएकी गायिका आशामा कार्डियाक अरेस्ट भएको र छातीसम्बन्धी समस्या देखिएको थियो ।
आशा भोसलेले आफ्नो लामो करियरमा २० भाषामा १२ हजार भन्दा बढी गीत भन्दा बढी गीत गाएको आफैले बताउनु भएको थियो । उहाँले गाएका “दम मारो दम”, “पिया तू अब तो आजा”, “चुरा लिया है तुमने” जस्ता हिन्दी गीतहरू आज पनि सदाबहार छन् ।
आशा भोसले मशहुर थिएटर कलाकार तथा शास्त्रीय गायक दीनानाथ मंगेशकरकी छोरी र गायिका लता मंगेशकर की कान्छी बहिनी हुनु हुन्थ्यो । उहाँ ९ वर्षकी छँदा बाबुको निधन भएपछि दिदी लतासँगै परिवारको जिम्मेवारी सम्हाल्न गायन क्षेत्रमा प्रवेश गर्नुभएको थियो ।
स्व. गायिका आशाले १६ वर्षको उमेरमा लता मंगेशकरका ३१ वर्षीय सेक्रेटरी गणपतराव भोसले सँग भागेर विवाह गर्नु भएको थियो ।
यो विवाहमा लता मंगेशकर र परिवारको कडा विरोधको सामना थियो । विवाहपछि घरेलु हिंसा र कठिनाइको सामना गर्नुपरेको थियो । १९६० मा पहिलो विवाह विच्छेद भएपछि उहाँ तीन सन्तान (हेमन्त, वर्षा र आनन्द) सहित परिवारमा फर्किनु भएको थियो ।
दोस्रो विवाह आरडी बर्मनु सँग १९८० मा भएको थियो ।
आरडी बर्मनकी आमाले उहाँ ६ वर्ष जेठी र तीन सन्तानकी आमा भएकाले विवाहको विरोध गरेको भन्ने गरिन्छ । बर्मनका बुबा एसडी बर्मनको निधनपछि मात्र यो विवाह सम्भव भएको जानकारहरुको भनाइ छ ।
नेपाली चलचित्रहरूमा गैरी खेतको सिरै हान्यो।।” (फिल्म : प्रेम पिण्ड)
“एउटा मान्छे मनपर्छ।।”
“को होला मेरो मायालु।।” (फिल्म : मायालु) जस्ता गीतहरुमा स्वर दिनु भएकी स्व. आशा भोसलेको निधनले नेपालको सांगेतिक क्षेत्र पनि शोकाकुल बनेको छ ।
सुप्रख्यात गायिका आशा भोसलेको अन्तिम संस्कार भोली (सोमबार) साँझ ४ बजे मुंबईमा हुने परिवार श्रोतले जनाएको छ ।