भाद्र ५ गते २०८३/ रामगोपाल विश्वकर्मा
सुदूरपश्चिम प्रदेश सरकारका मुख्यमन्त्री खगराज भट्टले आज मन्त्री परिषद विस्तार गरिएको उहाँको सचिवालयले जनाएको छ ।
नेकपा एमाले र नेकपाबीच गठबन्धन भएपछि बनेको नयाँ सरकारमा यसअघि एमालेका तर्फबाट तीन मन्त्री र एक राज्यमन्त्री सहितको मन्त्रिपरिषद गठन भएको थियो ।आज सुदुरपश्चिम प्रदेश सरकारमा नेकपा तर्फबाट मन्त्रीहरू थपेर सरकार लाई पुर्णता दिइएको बताउनु भयो ।
आज विस्तारित मन्त्रिपरिषदमा प्रकाश रावल वनमन्त्री, ओमविक्रम भाट भौतिक मन्त्रालय, खुसीराम डगौरा थारु कानुनमन्त्री, इन्दिरा गिरी राज्यमन्त्री,जानकीदेवी कुँवरले राज्यमन्त्रीको जिम्मेवारी पाउनु भएको छ । नवनियुक्त मन्त्रीहरुले आजै शपथ लिने समेत मुख्यमन्त्री तथा मन्त्रिपरिषद्को कार्यालयले जनाएको छ ।
३१ असारमा एमालेले बजेटमा असहमति जनाउँदै मुख्यमन्त्री शाह नेतृत्वको सरकारलाई दिएको समर्थन फिर्ता लिएको थियो । नेपाली कम्युनिष्ट पार्टी र नेकपा एमालेले ३ बुँदे सहमति गरि देशका ७ प्रदेशमा नयाँ प्रदेश सरकार निर्माणको कामले गति लिएको थियो ।
सहमति बमोजिम कोशीमा हिक्मत कार्की,कर्णालीमा मंगल बहादुर शाही,बागमतीमा किरण थापा मगर,सुदुरपश्चिममा खगराज भट्ट,लुम्बिनीमा चेतनारायण आचार्य नेतृत्वको प्रदेश सरकार बनेको छ । नेकपा एमाले र नेपाली कम्युनिष्ट पार्टीका केन्द्रीय नेताहरुले मधेस प्रदेश र गण्डकी प्रदेशमा पनि नयाँ सरकार गठनका कामहरु भइरहेको बताउनु भयो ।