कार्तिक ४ गते २०८३/ स्नेहा विश्वकर्मा
नेपाल पञ्चांग निर्णायक विकास समितिले आज टीका लगाउन उत्तम साइत १० बजेर २६ मिनेट रहेको जनाएको छ ।आज बिहान ८ बजेर ४९ मिनेटमा देवी विसर्जनको साइत रहेको पनि समितिले जनाएको छ ।
नेपाल पञ्चांग निर्णायक विकास समितिले देवी विसर्जन पछि सुरुमा कुलदेवता, पितृदेवतालाई टीका चढाउन भनेको छ । कतिपय ठाउँमा घरको मूल ढोकामाथि टीका लगाइदिने परम्परा छ ।
त्यसपछि मान्यजनबाट टीका लगाउन सकिने जनाएको छ ।
आज बडादशैं अर्थात् दुर्गापक्षको मुख्य दिन नवदुर्गा देवीको पुजा आराधना गरि प्राप्त भएको आर्शिवाद आज मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाइँदै छ ।