साउन १४ गते २०८३ / रामगोपाल विश्वकर्मा
राष्ट्रिय निकुञ्ज तथा वन्यजन्तु संरक्षण विभागले सार्वजनिक गरेको बाघ गणनाको नतिजाअनुसार देशभर बाघको संख्या ४ सय २९ पुगेको छ ।
राष्ट्रिय निकुञ्ज तथा वन्यजन्तु संरक्षण विभागका सूचना अधिकारी अहिभद्र आचार्यले बर्दियाबाहेक अरू सबै निकुञ्ज क्षेत्रमा बाघको संख्या बढेको बताउनु भयो ।
पर्सा राष्ट्रिय निकुञ्जमा सन् २०२२ को गणनामा ४१ बाघ थिए, अहिले ७१ पुगेका छन् । बाँकेमा २५ बाट बढेर ५१ र शुक्लाफाँटामा ३६ बाट बढेर ५० पुगेका छन् । बर्दियामा अघिल्लो गणनामा १ सय २५ बाघ थिए । अहिले १ सय १२ मा झरेका छन् ।
क्यामेरा ट्रयाप विधि प्रयोग गरेर पुस १६ देखि वैशाख १० गतेसम्म बाघ गणना गरिएको थियो ।
यसपटकको गणनामा चितवन निकुञ्ज र यस आसपासको क्षेत्रमा बाघको संख्या १ सय ४५ पुगेको छ । यसअघि चितवनमा बाघको संख्या १ सय २८ थियो ।
यस पटक सार्वजनिक नतिजामा चितवनपछि सबैभन्दा धेरै बर्दिया राष्ट्रिय निकुञ्जमा १ सय १२ बाघ छन् । बर्दियामा यस पटक बाघको संख्या घटेको छ ।