फुटबलको सर्वोच्च निकाय फिफाले बिहीबार जारी गरेको वरीयतामा नेपाल एक स्थान तल झरेको छ । नयाँ वरीयताअनुसार नेपाल समग्रमा १ सय ६२औं स्थानमा छ । गत महिना नेपाल १ सय ६१औँ स्थानमा थियो । दक्षिण एसिया भारत शीर्ष स्थानमै छ । विश्वमा भारत ९७औँ स्थानमा रहेको फिफाले जनाएको छ । दक्षिण एसियामा नेपालको वरीयता तेस्रो स्थानमा छ । नेपालझैँ माल्दिभ्स पनि एक स्थान ओरालो लागेको छ । माल्दिभ्स १ सय ५२औँ स्थानमा छ । नेपालले १ हजार १ वरीयता अंक पाएको छ ।

श्रीलंका पुछारमा
फिफा वरीयतामा दक्षिण एसियाली राष्ट्र श्रीलंका सबैभन्दा पुछारमा छ । श्रीलंका २ सय १ स्थानमा छ । श्रीलंकाभन्दा एक स्थानमाथि पाकिस्तान रहेको
छ । श्रीलंकाले सबैभन्दा कम ८ सय ८६ वरीयता अंक प्राप्त गरेको छ । यसैगरी बंगलादेश ९ सय ७ अंकका साथ १ सय ९२औँ स्थानमा छ । एसियाली राष्ट्रमा इरान शीर्ष स्थानमा छ ।

बेल्जियम शीर्ष स्थानमा
बेल्जियम फिफा वरीयताको शीर्ष स्थानमा छ । बेल्जियमले १७ सय २७ अंक बटुेलेको छ । विश्व च्याम्पियन फ्रान्स १७ सय २६ अंकका साथ दोस्रो स्थानमा छ । वेल्जियम र फ्रान्सबीच केवल एक अंकको अन्तर छ ।