५नं प्रदेश भुमि व्यवस्था ,कृर्षि तथा सहकारी मन्त्रालय यतिबेला किसानका खेत तथा फर्महरुमा पुगेको छ ।मन्त्रालयले किसानका लागि खोलेको अनुदान सहयोग बारे जानकारी दिन मन्त्री आरति पौडेल यतिवेला रुपन्देहि र कपिलबस्तु लगायतका जिल्लामा सक्रिय रहेका बेला मन्त्रिका प्रमुख स्वकिय सचिव सुर्य रोकाय बाँके र बर्दियामा सक्रिय छन । स्वकिय सचिव रोकायले १ हप्ताको अवधिमा बाँके र बर्दियाका १ सय कृर्षि तथा पशुपंक्षि फर्म निरिक्षणमा गर्नुका साथै कृर्षि अनुदान कोषले खोलेको अनुदानका बारेमा जानकारी गराउदै हिडेको बताए । उनले हाल कृर्षि तथा पशु पालनका लागि ५० प्रतिसत साझेदारीमा ४ लाख देखि १० लाख सम्मको प्रस्तावना आव्हानगरेको जानकारी दिए ।
फर्मको अनुगमन र अनुदान रकम बारे जानकारी गराउन आउदा प्रदेश सरकार आफ्नो घर आउँदा प्रदेश सरकार नै आएको जस्तो अनुभव भएको कोहलपुर १४ का गाई पालक किसान लालमणि भण्डारीले बताए । भण्डारीले मन्त्रालयका प्रतिनिधी फर्ममा आएर प्रस्तावना लेखन बारे समेत जानकारी दिदा आफुहरु लाई निकै राहात महसुस भएकोे बताए ।

मन्त्रालयले तरकारी खेति, पशु पालन,मसला खेति ,गर्ने किसानहरुका लागि प्रस्तावना आव्हान गरेको हो । स्वकिय सचिव रोकायले हाल मध्यम स्तरका किसानहरुका लागि प्रस्तावना आव्हान गरेको भएपनि आगामी दिनमा साना किसान तथा ठुला उद्यमीहरुका लागि सहयोग कार्यक्रम संञ्चालन गरिने जानकारी दिए । उनले प्रदेस स्तरीय निर्वाचन क्षेत्रमा प्रदेश स्मार्ट कृर्षि गाँउ बनाउने योजना रहेको समेत जानकारी दिए । उनले कृषक संग सोझै पहुच स्थापित गर्न आफुहरु किसानका घर घर पुगेको उनले बताए ।

रोकायले कोहलपुरको लोकनगर लागायतका स्थानमा बासोवास गर्ने ४जिल्लाका मुक्त कमैया हरुका लागि २ करोड रकम छुट्टाईएको जानकारी दिए । उनले कपिलबस्तुमा आप खेति तथा रुकुम ,रोल्पा ,अर्घाखाची ,प्युठान जिल्ला लाई अर्गानिक जिल्ला बनाउने योजना रहेको जनाए । कृषि अनुदानको म्याद असोजको २६ गते सम्म मात्र रहेकाले फर्म समय भित्रै भरेर जिल्ला स्थित कृषि ज्ञान केन्द्र मा बुझाउन स्वकिय सचिव सुर्य रोकायले जानकारी दिए ा